<
المكونات
3/4 كوب حليب دافىء
1 معلقة كبيرة سكر
1 و 3/4 معلقة صغيرة خميرة فورية
1 1/2 كوب دقيق
4 ملعقة زيت
1 و ربع معلقة صغيرة ملح
معلقتين سمسم للعجن
سمسم للزينة
كمون حب للزينة
حبة البركة للزينة
الطريقة
اضيفى السكر و الخميرة للحليب
لما تعمل فقاقيع
اضيفى الدقيق و الزيت
و الملح و السمسم و اعجنى جيدا
حطيها فى بولة مدهونة
وغطيها عشان تخمر وتتضاعف فى الحجم
بعد كده قسمى العجينة قطع صغيرة و ابرميها على شكل عصيان رفيعة جدا جدا
او افردى العجينة بالنشابة و بقطاعة البيتزا او سكينة قطعى العجينة عصيان رفيعة جدا او تشكيلات مموجة كما بالصور
ودى هايلة فى العزومات مع الشاى بعد الأكل و تكون محطوطة فى اناء طويل اشبه بالفازة
ادهنى العجينة ببيضة مخفوقة
وزينيها بالكمون او حبة البركة او السمسم
سخنى الفرن
حطى ورق زبدة فى الصينية
اخبزيها 15 دقيقة
و برديها خالص بعدين احفظيها فى علبة مفرغة من الهواء عشان تفضل طازة
ليست هناك تعليقات:
إرسال تعليق